Venesuelanı etirazlar bürüyüb
30.07.2024 11:59
Venesuelada müxalifət seçki məntəqələrindən protokolların 73,2 faizinə çıxış əldə ediblər. Bu barədə Macado məlumat verib.
Onun sözlərinə görə, məlum olub ki, müxalifətin namizədi Edmundo Qonzales Urrutia Venesuelanın bütün ştatlarında ümumilikdə 6,2 milyon, Maduro isə cəmi 2,7 milyon səs toplayıb. Bu isə müxalifətin inamlı qələbəsindən xəbər verir.
Ötən gün yüz minlərlə insan Venesuela şəhərlərinin küçələrinə çıxıb. El Nacional qəzeti yazır ki, onlardan 3-ü polislə toqquşmada həlak olub.
Təhlükəsizlik qüvvələri Argentina səfirinin 6 müxalifətçinin sığındığı iqamətgahına soxulmağa cəhd edib.
Maçado iyulun 30-da BMT-nin Karakasdakı binasında yeni etiraz aksiyası elan edib.
Çərşənbə axşamı günü minlərlə etirazçı Venesuela şəhərlərində küçələrə axışaraq, bazar günü keçirilən seçkilərdə məğlub olduğunu etiraf etmək üçün Nikolas Maduroya təzyiqləri davam etdirib.
"Azadlıq” radiosu xəbər verir ki, Maduronun rəqibləri milli bayraqları dalğalandırmaqla və qazanlara qaşıq vurmaqla müxalifətin uğurunu bəyan edirlər.
Etirazlar bazar ertəsi hazırkı prezident Nikolas Maduronun rəsmən səsvermənin qalibi elan edilməsindən sonra başlayıb.
"Tarixi məqamda düzgün qərarlar qəbul etməyin vaxtı çatıb... Aydındır ki, yeni seçilmiş prezidentimiz var”, - Venesuela ordusunun kapitanları Xavyer və Xuan Karlos Nieto Kintero əsgərlərə müraciət edərək deyib.
N.Təbrizli
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Foto
Video
