Meta ikinci rübdə xalis mənfəətini 1,7 dəfə artırıb

Meta mətbuata açıqlamasında aprel-iyunda xalis gəlirinin keçən ilin eyni dövründəki 7,79 milyard dollar və ya hər bir səhm üçün 2,98 dollar olduğu ilə müqayisədə 13,47 milyard dollar və ya hər səhm üçün 5,16 dollar olduğunu bildirib.

 

FactSet-in sorğusuna qatılan ekspertlər orta hesabla bu rəqəmin hər səhm üçün 4,8 dollar olacağını gözləyirdilər.

Şirkətin gəliri bir il əvvəlki 32 milyard dollardan 39,07 milyard dollara yüksəlib, bazar konsensusunda 38,3 milyard dollarlıq gəlirin 98%-ni reklam gəliri təşkil eib. 

Meta tətbiqlərində reklam mesajlarına baxış sayı və orta reklam qiymətləri hərəsi 10% artıb.

Martın sonunda şirkətin xidmətlərində (Facebook, Instagram, Messenger və WhatsApp) gündəlik aktiv insanların (DAP) orta sayı 3,27 milyard nəfər təşkil edib ki, bu da bir il əvvəlkindən 7% çoxdur.

Meta üçüncü rübdə 38,5 milyard dollardan 41 milyard dollara qədər gəlir əldə edəcəyini proqnozlaşdırır.

Şirkət 2024-cü il üçün minimum kapital xərcləri ilə bağlı proqnozunu 35 milyard dollardan 37 milyard dollara qaldırıb.

Şirkət son rübdə öz səhmlərinin 6,32 milyard dollarını geri alıb və 1,27 milyard dollar dividend ödəyib.

Meta səhmləri hesabatın dərcindən sonra çərşənbə günü əlavə ticarətdə 7,2% bahalaşıb. Bu ilin əvvəlindən onların dəyəri 34% artıb.