Ukrayna Rusiyanın Lipetsk şəhərinə hücum edib
09.08.2024 10:01
Lipetskdə Ukraynadan edilən kütləvi pilotsuz təyyarə hücumu səbəbindən dörd yaşayış məntəqəsi boşaldılıb. Regionun qubernatoru İqor Artamonov Lipetsk bələdiyyə dairəsində fövqəladə vəziyyətin tətbiqi barədə qərar qəbul edib.
Lipetsk və Lipetsk bələdiyyə dairəsində sərnişinlərin daşınması dayandırılıb. İnfrastrukturun zədələnməsi səbəbindən elektrik enerjisinin verilişində fasilələr yaransa da, vəziyyət normallaşıb. Bundan əlavə, hərbi aerodromun ərazisində yanğın başlayıb.
Lipetsk vilayətindən başqa Rusiyanın daha üç rayonu hücuma məruz qalıb: Belqorod vilayəti səmasında 29 pilotsuz təyyarə vurulub, Starıy Oskolda iki şəxsi evə ziyan dəyib, Bryansk vilayətində dörd pilotsuz təyyarə məhv edilib.
Lipetsk vilayətində hərbi aerodrom da hücuma məruz qalıb. Bu barədə Rusiya xüsusi xidmət orqanlarına yaxın olan VÇK OQPU kanalı məlumat yayıb.
Daha sonra məlumatı Lipetsk vilayətinin qubernatoru İqor Artamonov da təsdiqləyib.
"Partlayıcı obyektlərin işə salınması Lipetsk vilayətində mülki binalardan uzaqda baş verib, təcili yardım xidmətləri hadisə yerindədir”, - RİA Novosti qubernatora istinadən bildirib.
Məlumata görə, Ukrayna pilotsuz uçan aparatları enerji infrastrukturu obyektlərinə ziyan vurub, regionda enerji təchizatında fasilələr var.
N.Təbrizli
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Foto
Video
