Harris və Tramp razılığa gəlib
09.08.2024 10:48
ABŞ-ın vitse-prezidenti Kamala Harris sentyabrın 10-da ABC telekanalında ABŞ prezidentliyinə Respublikaçılar Partiyasından namizəd Donald Trampla debata hazır olduğunu bildirib.
"Mən Donald Trampla debatı səbirsizliklə gözləyirəm və sentyabrın 10-da onunla debata çıxmağa razıyam", o, NBC telekanalına bildirib.
Harris həmçinin jurnalistlərə deyib ki, o, gələcək debatların tarixini də müzakirə etməyə hazırdır.
"Sentyabrın 10-dan sonra gələcək debatların tarixini müəyyən etsək məmnun olaram”, - o deyib.
ABŞ-ın sabiq prezidenti Donald Tramp avqustun 8-də Amerika televiziya şirkətləri ilə üç raund televiziya debatının keçirilməsi barədə razılığa gəldiyini bildirib.
O deyib ki, sentyabrın 4-də Fox News, sentyabrın 10-da ABC, sentyabrın 25-də isə NBC telekanallarında debatlara çıxmağa hazırdır.
Respublikaçılar Partiyasından prezidentliyə namizədi həmçinin cümə axşamı Demokratlar Partiyasından namizəd Kamala Harrisi tənqid edərək, onu "bacarıqsız" adlandırıb.
"Düşünürəm ki, o, Baydendən (...) daha pisdir", - Tramp deyib.
Onun sözlərinə görə, "Harris prezident olarsa, bu, ABŞ üçün böyük uğursuzluq olacaq".
N.Təbrizli
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Foto
Video
