“Krokus” terror aktı işində əli olan şəxs Rusiya vətəndaşı ola bilər

 

Bildirilib ki, Umedjon Soliyev ölkə paytaxtında qeydiyyatda deyil və Rusiya vətəndaşı ola bilər. Soliyevin 26 yaşı var və 1998-ci ilin iyulunda Düşənbədə anadan olub. Rusiya Daxili İşlər Nazirliyinin axtarış bazasında milliyyəti qeyd olunmadan yalnız onun doğulduğu yer göstərilir.

Bir gün əvvəl məlum oldu ki, Krokusda terror aktı ilə bağlı iş üzrə beş yeni müttəhim aprel ayında  Dağıstanda saxlanılıb və həbs edilib.

 

Onlardan dördü Tacikistan vətəndaşı, digəri isə Rusiya vətəndaşlığını almış Tacikistan vətəndaşıdır.

 

Bir neçə gün öncə Moskvanın Basmannı məhkəməsi Moskva yaxınlığındakı Crocus City Hallda terror aktı törətməkdə şübhəli bilinən 4 məhbusun həbs müddətinin uzadılması barədə qərar qəbul edib.

 

Həbs olunanlarıara qarşı yeni ittiham irəli sürülüb. İş materiallarına görə, onlar həmçinin terrorçuluq təlimi keçməkdə və terror təşkilatında iştirakda ittiham olunurlar. 

Daha əvvəl bildirilmişdi ki, Krasnoqorsk Krokusunda baş verən terror aktı ilə bağlı artıq ifadə verən yeni şahid meydana çıxıb.
 
Sonuncu aprelin 4-də saxlanılıb, o, istintaq çərçivəsində həbs edilən 11-ci şəxs olub.
 
Martın 22-də axşam saatlarında Moskva Crocus City Hall konsert zalında terror aktı baş verib. Piknik qrupunun çıxışından əvvəl silahlı şəxslər zala soxularaq tamaşaçılara atəş açıblar. Bundan sonra partlayışlar baş verib və yanğın başlayıb. Ertəsi gün onlar tutularaq mayın 22-dək istintaq təcridxanasına göndərilib. Terror aktı Beslan faciəsindən sonra Rusiyada ən böyük terror aktıdır.
 
Gülnar