Durov fransalı prokurorların sorğularını cavabsız qoyduğu üçün həbs edilibmiş

Telegram-ın qurucusu Pavel Durov messencer fransızların sorğularına cavab vermədiyi üçün həbs edilib. Bunu Paris prokuroru Laure Becon bildirib.

O həmçinin bu işlə bağlı dünyada mütəşəkkil cinayətkarlığın inkişaf etdiyini göstərmək istəyi olduğunu deyib.

"Durova qarşı birbaşa istintaqın açılması qərarı Telegram-ın fransız müstəntiqlərinin sorğularına cavab verməməsi, həmçinin mütəşəkkil cinayətkarlığın tez-tez virtual sayılan dünyada inkişaf etdiyini göstərmək istəyi ilə əlaqədar olub" , -Beko RTL radiosunda deyib:

Bundan əvvəl fransalı kriminal hüquqşünas David Libeskind bildirmişdi ki, Pavel Durov məhkəmə nəzarəti şərtlərini yumşaltmağa, həmçinin Fransanı tərk etməyə icazə ala bilər. Xaricdə uşaqların olmasını və mümkün təcili ailə vəziyyətini nəzərə alaraq bunu etmək hüququna malikdir. 

Şərtlərin dəyişdirilməsi tələbinin məhkəmə baxışına başlandıqdan təxminən 8-12 ay sonra verilə biləcəyi gözlənilir.

Durov avqustun 24-də axşam Fransanın Le Burje hava limanında şəxsi təyyarədən enərkən saxlanılıb. Sahibkar ölkəyə  Azərbaycandan uçub. 

Fransa polisi Reuters agentliyinə bildirib ki, iş adamı Telegram-da kiber və maliyyə cinayətləri məsələlərində əməkdaşlıqdan imtina etməkdə ittiham olunur.
 
Hazırda telegramın yaradıcısı şərti azadlıqdadır. 
 

Gülnar 


www.anews.az