Ukrayna Rusiyanın neft emalı zavodunu sıradan çıxarıb

Moskvadan 300 km məsafədə yerləşən və ildə 15 milyon ton neft emal edən "Slavneft-Yaroslavnefteorgsintez” neft emalı zavodu sentyabrın 10-da katalitik krekinq qurğusunu dayandırıb. 

Agentliyin həmsöhbətlərinin sözlərinə görə, qəzanın dəqiq səbəbi məlum deyil. Bu, nəqliyyatda və ya katalizatorun regenerasiyasında nasazlıq ola bilər.

 

Mənbələrdən biri bildirib ki, yüksək oktanlı benzin istehsalı üçün istifadə edilən qurğunun təmiri təxminən bir həftə çəkəcək. Başqa mənbəyə görə isə,  zavod Aİ-95-in istehsalını azaltmağa məcbur olacaq, lakin daha çox 92 markalı benzin istehsal edəcək.

Yaroslavl zavodunda problemlər PUA-nın hündürmərtəbəli binaya çırpıldığı Moskva vilayəti də daxil olmaqla, doqquz rayonu əhatə edən, müharibənin başlanğıcından bəri Ukrayna pilotsuz təyyarələrinin ən böyük reydi günü yaranıb. Yanğın nəticəsində 1 nəfər ölüb, 8 nəfər yaralanıb.

Ümumilikdə, Müdafiə Nazirliyinin məlumatına görə, hücumda ən azı 144 PUA iştirak edib. Səlahiyyətlilər dronların YANOS neft emalı zavodunun yerləşdiyi Yaroslavla çatması barədə məlumat verməyib.