Tramp miqrant cinayətkarlarla mübarizə üçün əməliyyat qrupu yaradacaq

ABŞ-ın sabiq prezidenti və Respublikaçılar Partiyasından prezidentliyə namizəd Donald Tramp bildirib ki, seçkidə qalib gələrsə, qeyri-leqal miqrantlar arasından cinayətkarlıqla mübarizə aparacaq elit hüquq-mühafizə orqanlarının nümayəndələrindən ibarət xüsusi əməliyyat qrupu yaradacaq.

 

Tramp bu haqda cümə günü Nevada ştatının Las-Veqas şəhərində çıxış edərkən bildirib.

"Mən Ağ Evə qayıdanda elit federal hüquq-mühafizə orqanlarının əməkdaşlarından ibarət xüsusi əməliyyat qrupu yaradacağam. Onlara ölkəmizi zəbt edən bütün xarici quldur dəstələrini və mütəşəkkil cinayətkar şəbəkələri məğlub edib məhv etmək tapşırılacaq.Dünyanın hər yerindən əvvəllər həbsxanalarda, ruhi xəstəxanalarda saxlanılan, əksəriyyəti terrorçu olan milyonlarla qeyri-qanuni mühacir cənub sərhədindən ABŞ-a gəlir və o bu problemi kökündən həll edəcək," - deyə o qeyd edib.