Fətullah Gülən Rəcəb Tayyib Ərdoğanı məhkəməyə verdi

Nur icmasının ABŞ-da yaşayan lideri Fətullah Gülən Türkiyənin baş naziri Rəcəb Tayyib Ərdoğanı böhtançılıqda ittiham edərək məhkəməyə verib.

APA-nın “Agence France-Presse”yə istinadən xəbərinə görə, F.Gülən öz açıqlamaları ilə onun nüfuzuna xələl gətirən R.T.Ərdoğandan vurulan mənəvi zərərə görə 100 min türk lirəsi (44 200 dollar) tələb edir.

 

Din xadimini qəzəbləndirən baş nazirin onu Türkiyədə paralel dövlət idarəetmə sistemi qurmaqda və dövlət hakimiyyətini ələ keçirmək cəhdində ittiham etməsi olub.

 

Qeyd edək ki, F.Gülən və R.T.Ərdoğan arasındakı münasibətlər ötən il dekabrın 17-də keçirilən rüşvət əməliyyatından sonra kəskinləşib.