Ərdoğan Zelenskiyə atəşkəs və taxıl vədi verib

 

"Görüş zamanı prezident Ərdoğan Türkiyənin Ukrayna-Rusiya müharibəsinin dialoq yolu ilə, Ukraynanın ərazi bütövlüyü və suverenliyini qorumaqla başa çatacağına hər zaman inandığını və Türkiyənin bu məqsədə çatmaq üçün səylərini davam etdirdiyini bildirib. Ərdoğan Zelenskiyə taxıl müqaviləsini bərpa etmək üçün səy göstərəcəyini vəd edib", - məlumatda deyilir. 

 

Bir gün əvvəl Ukrayna prezidenti Zelenski bildirib ki, Rusiya-Ukrayna müharibəsi tezliklə başa çata bilər. 

 

Zelenski söyləyib ki, proses Rusiya ilə danışıqlara aid deyil. Söhbət müharibəni bitirməkdən gedir. 


Bundan əvvəl Ukrayna rəsmiləri bildirib ki, ABŞ Kiyevi seçkilərə hazırlaşmağa çağırdığı üçün Ukraynadakı hərbi münaqişə  gələn ilin yazına qədər bitə bilər. 
 
Rusiya ilə Ukrayna arasında müharibə 2021-ci ilin fevralından davam edir. İki ölkə liderləri bir neçə dəfə danışıqlar masasına gəlmək üçün şərtlərini açıqlasalar da bu hal mümkün olmayıb. Müharibə fonunda dünyanın bir çox markaları Rusiya bazarını tərk etmək barəsində qərar verib. ABŞ və Avropa Putinə və Rusiyaya qarşı sərt sanksiyalar tətbiq edib. Lakin Putin öz qərarından geri çəkilməyib. 

Aytac