Kuba Rusiyadan BRİKS-in tərəfdaş dövlət olmasını istəyib
08.10.2024 12:57
Kuba Rusiyadan BRİKS-ə tərəfdaş dövlət kimi qoşulmaq üçün icazə istəyib. Bu barədə Kuba Xarici İşlər Nazirliyinin ikitərəfli əlaqələr üzrə baş direktoru Karlos Pereyra X sosial şəbəkəsindəki səhifəsində məlumat verib.
"Kuba rəsmi olaraq qrupun sədri olan Rusiya prezidenti Vladimir Putinə BRİKS-ə tərəfdaş ölkə kimi qoşulmaq üçün müraciət göndərib ", - diplomat bildirib.
Bundan əvvəl Rusiya prezidenti bildirib ki, 34 ölkə BRİKS-ə qoşulmaq istəyir.
BRİKS-in genişləndirilməsi məsələsi sammitdə müzakirə oluna bilər.
Azərbaycanın BRİKS-ə qoşulmaq üçün rəsmi müraciətinə assosiasiyanın bu ilin oktyabrında Kazanda keçiriləcək sammitində baxıla bilər.
İyulun 11-də Sankt-Peterburqda keçirilən X BRİKS Parlament Forumunun plenar iclasında çıxış edən Milli Məclisin sədri Sahibə Qafarova bildirib ki, Azərbaycan BRİKS-in tamhüquqlu üzvü olmaq istəyir.
Avqustun 20-də Azərbaycan Xarici İşlər Nazirliyinin mətbuat katibi Ayxan Hacızadə bildirib ki, respublika BRİKS-ə qoşulmaq üçün rəsmi müraciət edib.
Hazırda təşkilatın 10 üzvü var.
Aytac
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Foto
Video
