BMT: Livan növbəti Qəzza ola bilər

Livandakı humanitar təşkilatlar İsrail ordusunun evakuasiya əmri ilə evlərini tərk edən 1,2 milyon insana kömək etmək kimi demək olar ki, qeyri-mümkün bir vəzifə ilə üzləşirlər. Bu barədə Yenişafaq nəşri yazıb.

BMT-nin yardım işçiləri Qəzzalı mülki vətəndaşlarla eyni aqibəti yaşayacaqlarından qorxaraq İsrailin bombardmanlarından qaçan Livan sakinlərinə kömək etməkdə çətinlik çəkdiklərini bildiriblər.


Livandakı Ümumdünya Ərzaq Proqramının (ÜƏP) direktoru Metyu Hollinqvort "Əlavə resurslar olmadan bir milyondan çox insanın ehtiyaclarını ödəmək mümkün deyil ” deyib.

Təxminən bir həftə əvvəl BMT ölkədə zərər çəkənlərə yardım üçün 426 milyon dollar çağırış edib və indiyədək bu məbləğin 12 faizindən bir qədər çoxu, yəni 51,4 milyon dollar ayrılıb.



Hollinqvort deyib ki, sürətlə artan döyüşlər nəticəsində evlərini tərk etmək məcburiyyətində qalanların çoxunun evlərini heç nə ilə tərk etməkdən başqa çarəsi yox idi.

Ümumdünya Ərzaq Proqramının sözçüsü bildirib ki, İsrailin Qəzza müharibəsi ilə əlaqədar Beyrut və Livanın cənubunu intensiv bombalaması fonunda ölkənin cənubundakı İsraillə həmsərhəd olan yeddi cəbhə bölgəsi və Beyrutun cənub ətrafı "yüz minlərlə insanı” didərgin salıb .

COVID-19 pandemiyasından və 2020-ci ildə dağıdıcı Beyrut limanı partlayışından sonra, uzun sürən siyasi böhran fonunda Livanda yoxsulluq səviyyəsi kəskin şəkildə yüksəlib. Eyni zamanda, ölkə bir milyondan çox suriyalı qaçqını qəbul edir.

WFP-nin məlumatına görə, hazırda Beyrutda və ölkənin şimalında yerləşən 973 sığınacaqda 200 mindən çox insan yaşayır.

Ümumdünya Səhiyyə Təşkilatının (ÜST) məlumatına görə, sentyabrın 16-dan bəri tibb sisteminə və onun işçilərinə 17 hücum nəticəsində 65 nəfər ölüb, 42 nəfər yaralanıb.


www.anews.az