Almaniya Livana yardım üçün 60 milyon avro ayıracaq
23.10.2024 21:24
Almaniya kansleri Olaf Şolts Livanın Baş naziri Nəcib Mikati ilə telefon danışığı keçirib və Almaniya hökumətinin Livan xalqına yardım üçün əlavə 60 milyon avro ayıracağını açıqlayıb.Bu barədə jurnalistlərə Almaniya Nazirlər Kabinetinin rəsmi nümayəndəsi Şteffen Hebeştrayt bildirib.
"Almaniya kansleri Livan vətəndaşlarının yaşadıqları acılı günlərlə əlaqədar başsağlığı verib. Almaniya hökuməti Livan xalqına yardım üçün 60 milyon avro məbləğində əlavə vəsait ayırır”, - Hebeştrayt deyib.
Onun sözlərinə görə, Şolts Almaniyanın oktyabrın 24-də Parisdə keçiriləcək və Almaniya hökumətinin yüksək səviyyədə təmsil olunacağı Livan üzrə konfransa dəstəyini vurğulayıb.
"İndi siyasi prosesə başlamaq üçün yol tapılması son dərəcə vacibdir. Məqsəd İsrail xalqının təhlükəsizliyi və Livanın suverenliyi olmalıdır. Bunun üçün ilk addım BMT Təhlükəsizlik Şurasının 1701 saylı qətnaməsinin tam şəkildə həyata keçirilməsi olmalıdır”, - Almaniya Nazirlər Kabinetinin nümayəndəsi fikrini yekunlaşdırıb.
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
