Tramp məğlubiyyətini qəbul etməyəcək - SORĞU

Əksər amerikalı seçicilər ABŞ-ın keçmiş prezidenti Donald Trampın prezident seçkilərində məğlubiyyətə uğrayacağı təqdirdə bunu qəbul etməyəcəyini düşünür. Bu barədə CNN telekanalı SSRS şirkətinin sifarişi ilə apardığı sorğunun nəticələrinə istinadən bazar ertəsi məlumat yayıb.

Belə ki, qeydiyyatdan keçən seçicilərin 69%-i Trampın məğlubiyyəti qəbul etməyəcəyini bildirib, respondentlərin 30%-i isə Trampın məğlubiyyətlə barışacağı fikrindədir.

Digər tərəfdən, vitse-prezident Kamala Harris ilə bağlı fikirlər belə bölünüb: 73% onun məğlubiyyəti qəbul edəcəyini düşünür, 26% isə bunun əksini güman edir.