Qatarın altına atılan qadın sağ qaldı - VİDEO

Avstraliyadakı şəhərlərdən birində qatarın altına tullanan qadının əməlli başlı bəxti gətirib. 

ANN.Az-ın "Vesti.ru"ya istinadən verdiyi xəbərə görə, sərxoş avtsraliyanın hərəkət edən qatara tullanma anını müşahidə kameraları anbaan qeydə alıblar. Kamera qeydlərində görünür ki, Yeni Cənubi Uels sakini olan qadın və yoldaşı onları evə aparacaq qatarı gözləyirlər. Artıq gec idi, cütlüyün platformanı tərk eləməyə səbrləri çatmayıb, ən azından qızın. Yaxınlıqdan yük qatarlarının keçdiyini görən qadın açıq vaqona tullanmaq qərarına gəlir. Ancaq o, bu istəyini gerçəkləşdirə bilmir və relslərin üzərinə düşür. Qadının partnyoru isə gözləri qarşısında baş verən hadisədən dəhşətə gəldiyi aydın görünür. Qatarın hələ də hərəkət etdiyi bir neçə an boyunca o, qadının sağ qalıb qalmadığını anlamır. 

Nəhayət, qatar platformanı tərk edəndə kameralar relslərin üzərində hərəkətsiz qalan qadını göstərir. Bir neçə saniyədən sonra o, ayağa duru və heç nə olmamış kimi platformaya qalxır. Qadının çatdırıldığı xəstəxanadan verilən məlumata görə, qadına cəmi bir neçə yüngül tikiş vurulub.