TikTok-un baş direktoru Avropa Parlamentinə çağırılıb

Avropa Parlamenti TikTok-un Rumıniyadakı prezident seçkilərinəi roluna dair suallara cavab tələb edib.

"Azadlıq Radiosu"nun məlumatına görə, birinci turda məşhur TikTok istifadəçisi və ultrasağçı populist Kalin Jorjesku qalib gəlib. Rumıniyada prezidentliyə namizəd olan Jorjesku TikTok-da böyük izləyici kütləsinə sahibdir.

Tədqiqatçılar səsvermədən əvvəl minlərlə saxta hesabın gizli aktivliyini aşkar etdiklərini bildiriblər. Prezidentliyə digər namizəd, lakin ikinci tura keçə bilməyən Rumıniyanın Baş naziri Marçel Çolaku, Jorjeskunun TikTok-dakı kampaniyasının maliyyələşdirilməsinin araşdırılmalı olduğunu deyib.

Jorjeskunun heç bir partiya dəstəyi olmamasına baxmayaraq, seçkilərə yaxın günlərdə TikTok-da apaardığı böyük kampaniya diqqət mərkəzindədir. Sorğular onun populyarlığını göstərməsə də, tədqiqatçılar TikTok-da "minlərlə saxta hesabın dalğasını" müşahidə etdiklərini iddia edirlər.

"Biz TikTok-un baş direktorunu çıxış etməyə və platformasının Rəqəmsal Xidmətlər Qanununu pozmadığını təmin etməyə çağırırıq," -  Avropa Parlamentinin deputatı Valeri Hayer bildirib.

TikTok-un Rumıniya seçkilərindəki mümkün rolu ilə bağlı şərh verməkdən imtina etdiyi bildirilir. TikTok-un sahibi Çin şirkəti ByteDance-dir.

N.Təbrizli