Aİ ilk dəfə Çin şirkətlərini qara siyahıya sala bilər

Avropa İttifaqı ilk dəfə olaraq Çin şirkətlərini Rusiya Federasiyasına qarşı sanksiyaların qara siyahısına daxil edə bilər. Bu barədə EUobserver məlumat yayıb. 

Ehtimal olunur ki, bu tədbir noyabrın 27-də müzakirələrə başlanan 15-ci sanksiyalar paketi çərçivəsində həyata keçirilə bilər. İnformasiya portalının məlumatına görə, ikisi Honq-Konqda qeydiyyatda olan Çinli sahibkar və Çindən olan altı şirkət qara siyahıya salınacaq. Onların hansı əsaslarla bu siyahıya daxil ediləcəyi açıqlanmır.

Əvvəllər Avropa İttifaqı Çin şirkətlərini və ya fiziki şəxsləri yalnız Aİ-nin boz siyahısına, yəni əlavə nəzarət tələb edən şirkətlər siyahısına daxil edirdi.

Bundan əvvəl Avropa İttifaqının 45-dən çox Rusiya neft tankerinə qarşı sanksiyalar tətbiq etmək niyyətində olduğu bildirilirdi.

Bundan əlavə, AK 50-dən çox şəxsə və təxminən 40 təşkilata sanksiya tətbiq etmək, onların aktivlərini dondurmaq və səyahət qadağası tətbiq etmək niyyətindədir.


www.anews.az