Pentaqon rəhbərliyinə namizəd spirtli içkidən imtina edəcəyini deyib

"Hegset çərşənbə günü öz namizədliyini xilas etmək üçün əhəmiyyətli səylər göstərib, o cümlədən respublikaçı senatorlara söz verib ki, müdafiə naziri vəzifəsinə təsdiqlənərsə, içkini tərgidəcək,” - məqalədə qeyd olunub.

Hegset keçmiş hərbçidir və bəzi senatorlar hesab edir ki, onun namizədliyi Pentaqon rəhbəri vəzifəsi üçün yaxşı seçim ola bilər.

Bundan əvvəl New Yorker Hegseti Pentaqon rəhbəri postuna namizəd kimi ifrat içki düşkünlüyündə ittiham edib.

Məqalədə, "həmkarlarının hekayələri ilə təsdiqlənmiş sənədlərə" istinadən, Hegsetin içkiyə olan hədsiz marağı səbəbindən "Azadlıq Uğrunda Veteranlar” və "Amerika Üçün Narahat Veteranlar” qeyri-kommersiya təşkilatlarında rəhbər vəzifələrindən uzaqlaşdırıldığı bildirilir. Hegsetin hətta təşkilatın tədbirlərindən sərxoş vəziyyətdə çıxarılmaq məcburiyyətində qaldığı iddia olunur. Bir halda, bir əməkdaşın sərxoş Hegseti Luizianada striptiz klubunda səhnədə rəqslərə qoşulmaqdan çəkindirdiyi qeyd olunur.

Bundan əvvəl Tramp, Rusiya Prezidenti Vladimir Putinlə Ukrayna mövzusunda danışıqların aparıla biləcəyini bəyan edib.