Rusiya Abxaziyadan mandarinlərin idxalını qadağan edib

RBK-nın verdiyi məlumata görə, Bqanba bildirib ki, qadağa sanitar xidmətlərin "ziyanlı bir milçək" səbəbilə qəbul etdiyi qərara əsaslanaraq tətbiq edilib.

 

Onun sözlərinə görə, Abxaziyanın sanitar xidmətləri sitrus meyvələrində belə həşəratları aşkar etməyib.

Noyabrda Abxaziyada Rusiya ilə yeni investisiya sazişinin təsdiqlənməsi səbəbindən kütləvi etirazlar baş verib.  Bu saziş Rusiyadan olan şirkətlərin Abxaziyada investisiya layihələri ilə məşğul olmasına icazə verilməsini nəzərdə tuturdu.

 

Etirazçılar hesab edirdilər ki, bu sazişdən sonra  yerli sakinlər maddi itkilərlə üzləşəcək. 

Etirazlar nəticəsində Abxaziyanın "rəhbəri" Aslan Bjaniya istefa vermək məcburiyyətində qalıb.

 

Dekabrın 3-də parlament Rusiya ilə investisiya sazişini ratifikasiya etməyib.