Time dekabrın 12-də "ilin adamı"nın adını açıqlayacaq
09.12.2024 22:35
Time jurnalı dekabrın 9-da 2024-cü ilin "İlin Adamı" adına iddialı olan namizədlərin qısa siyahısını açıqlayıb.
Siyahıya ABŞ-ın vitse-prezidenti Kamala Harris, Uels şahzadəsi Keyt Middlton, iş adamı Elon Mask, Aleksey Navalnının həyat yoldaşı Yuliya Navalnaya, İsrailin baş naziri Benyamin Netanyahu, ABŞ Federal Ehtiyat Sisteminin rəhbəri Cerom Pauell, podkaster Co Roqan, Meksika prezidenti Klaudiya Şeynbaum, ABŞ-ın seçilmiş prezidenti Donald Tramp və Meta-nın baş direktoru Mark Zukerberq daxil edilib.
Elon Mask haqqında olan annotasiyada Time jurnalı onu "dünyanın ən varlı insanı" və 2024-cü ildə "siyasət dünyasına qədəm qoymuş şəxs" kimi xarakterizə edib.
Time Benyamin Netanyahunu "bu ilin ən nüfuzlu və mübahisəli dünya liderlərindən biri", Yuliya Navalnayanı "Rusiya müxalifətinin birinci xanımı", Donald Trampı isə "təqsirli bilinən ilk seçilmiş prezident" adlandırıb.
Time "İlin Adamı"nı dekabrın 12-də elan edəcək.
1927-ci ildən etibarən Time jurnalı son 12 ay ərzində dünyaya "ən böyük təsir göstərən" insanı, qrupu və ya konsepsiyanı – yaxşı və ya pis mənada – seçir.
2023-cü ildə bu ada müğənni Teylor Svift layiq görülüb.
N.Təbrizli
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
