Zelenskinin Makron və Tramp ilə danışıqlarının təfərrüatları

"Əgər bu bizim aramızda qalacaqsa, biz bu barədə danışdıq. Mən dedim ki, biz müharibənin bitməsini dünyada hər kəsdən daha çox istəyirik. Şübhəsiz ki, müharibənin diplomatik yolla dayandırılması daha çox insanın həyatını qoruyar," -  Zelenski bildirib.

 

"Lakin mən həm Prezident Makronu, həm də Prezident Trampı xəbərdar etdim: siz görəcəksiniz ki, Putin bu müharibəni dayandırmaq istəmir, buna görə də onu məcbur etmək lazımdır."

Ukrayna liderinin sözlərinə görə, bu yalnız "Ukraynanın güclü olması" halında mümkündür. Bu, Qərbin, o cümlədən silah tədarükü və uzaqmənzilli sistemlərlə dəstəyini əhatə edir.

Zelenski, Tramp və Makronun görüşü 7 dekabrda baş tutub. Axios mənbələrə istinadən yazıb ki, görüş 45 dəqiqə davam edib.

Bundan sonra Tramp Kiyevin Moskva ilə "saziş" bağlamaq istəyindən danışıb və tərəfləri dərhal danışıqlara çağırıb. O, həmçinin xəbərdarlıq edib ki, hazırkı vəziyyət "çox daha böyük və daha pis bir şeyə" çevrilə bilər.

"Mən Vladimir [Putini] yaxşı tanıyıram. İndi onun hərəkət etmə vaxtıdır. Çin kömək edə bilər. Dünya gözləyir," -  ABŞ-ın seçilən prezidenti bildirib.