Aİ Gürcüstana qarşı yeni sanksiyalar üçün müzakirə aparacaq
16.12.2024 09:37
Ukraynaya hərbi yardım, Bəşər Əsəd hakimiyyətinin başa çatmasından sonra Suriyadakı vəziyyət və Gürcüstan hakimiyyətinə qarşı mümkün sanksiyalar 2024-cü ildə Aİ-nin 27 ölkəsinin xarici işlər nazirlərinin Brüsseldə keçiriləcək son iclasının əsas mövzuları olacaq. İclasa Aİ diplomatiyasının yeni rəhbəri Kaia Kallas sədrlik edəcək.
Aİ nümayəndəsinin bir gün əvvəl Brüsseldə jurnalistlərə verdiyi məlumata görə, Ukraynadakı münaqişə və ona hərbi yardımın göstərilməsi Aİ-nin mütləq prioriteti olaraq qalır.
Kallas nazirlərin görüşündə Kiyevə hərbi yardımın göstərilməsi zərurətinə diqqət yetirərək məhz bunu nümayiş etdirmək niyyətindədir. Avropa diplomatının sözlərinə görə, Ukraynanın xarici işlər naziri Andrey Sibiqa görüşdə uzaqdan iştirak edərək cəbhədəki vəziyyət və Kiyevin ehtiyacları barədə məlumat verəcək.
Nazirlər Ukrayna münaqişəsinə görə Rusiyaya qarşı 15-ci sanksiyalar paketini, eləcə də Moskvanın iddia edilən "hibrid hərəkətləri” üçün "yeni qara siyahı”nı təsdiq edəcəklər.
Ötən həftə Aİ ölkələrinin daimi nümayəndələri Rusiya neftini daşıyan xarici tankerlərə qarşı tədbirlər də daxil olmaqla, 15-ci sanksiyalar paketi barədə razılığa gəliblər.
Aytac
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Foto
Video
