Britaniya Gürcüstan rəsmilərinə qarşı yeni sanksiyalar tətbiq edib

Qara siyahıda, həmçinin, Gürcüstan DİN-in Xüsusi Tapşırıqlar Departamentinin rəhbəri Zviad Xarazişvili və Gürcüstan xüsusi təyinatlı qüvvələrinə rəhbərlik edən müavini Mileri Laqazauri də yer alır.

Tətbiq olunan tədbirlərin əsaslandırılmasında göstərilir ki, Gürcüstan güc strukturlarının rəhbərliyi "insan hüquqlarının pozulmasına bərabər hərəkətlərə görə məsuliyyət daşıyır”.

 

Bu arada səlahiyyət müddəti dekabrın 29-da bitən Gürcüstan Prezidenti Salome Zurabişvili bildirib ki, prezidentlik müddəti bitdikdən sonra mühacirətdə olan siyasətçi olmaq istəmir və Belarus müxalifətçisi Svetlana Tixanovskayanı misal gətirib.

"Gürcüstanı tərk etmək məsələsi gündəmdə deyil. Mən oradayam və istəmirəm... Mənim Tixanovskaya və ya Venesuela prezidenti (ölkəni tərk etmiş Venesuela prezidentliyinə namizəd Edmundo Qonsales) kimi tanınmağım ehtimalları var. Mən bunu istəmirəm", -  Zurabişvili Polşanın TVP World telekanalına müsahibəsində gələcəyi ilə bağlı suala cavab verərkən bildirib.

Zurabişvili həmvətənlərini hazırkı Gürcüstan hökumətinə qarşı mübarizədə onu dəstəkləməyə çağırıb və "hər şey bitdikdə" bu dəstəyə ehtiyac qalmayacağını qeyd edib. O, həmçinin, 1921-ci ildə Gürcüstanın "sovetləşdirilməsi" zamanı valideynləri və digər qohumları kimi təqib qorxusundan ölkəni tərk etməyəcəyini bildirib.

Zurabişvili 2018-ci ildə Gürcüstan prezidenti seçilib. 14 dekabrda keçirilən növbəti prezident seçkilərində "Gürcü Arzusu" partiyasının dəstəklədiyi Mixeil Kavelashvili qalib gəlib. İlk dəfə olaraq dövlət başçısı ümumi birbaşa səsvermə ilə deyil, Gürcüstanın siyasi partiyaları tərəfindən müəyyən edilmiş kvotalara uyğun olaraq 300 nəfərdən ibarət Seçki Kollegiyası tərəfindən seçilib. Prezidentliyə namizəd olmaq üçün kollegiya üzvlərinin üçdə ikisinin səsini qazanmaq tələb olunurdu. İqtidarda olan "Gürcü Arzusu"nun 300 səsdən 211-nə sahib olması namizədinin qələbəsini təmin edib.


Svetlana Tixanovskaya - kütləvi iğtişaşların təşkilində ittiham olunaraq 18 illik həbs cəzası alan müxalifətçi Sergey Tixanovskinin həyat yoldaşıdır. 2020-ci il prezident seçkilərində o, namizədliyini irəli sürmək istəyirdi, lakin həbs olunduqdan sonra həyat yoldaşı bunu etdi. Belarus Mərkəzi Seçki Komissiyasının məlumatına görə, Tixanovskaya 10,1% səs toplayıb, bundan sonra ölkədə kütləvi iğtişaşlar başlayıb. Ona və digər müxalifətçilərə qarşı bir neçə cinayət işi açılıb və nəticədə o, ölkədən qaçıb.

N.Təbrizli