Rusiya 80 min miqrantı ölkədən qovub

Rusiyada 2024-cü ildə miqrasiya qaydalarını pozduğuna görə 80 mindən çox miqrant ölkədən məcburi şəkildə çıxarılıb. Bu barədə TASS Rusiya FSSP-dəki mənbələrə istinadən məlumat yayıb.

Agentliyin mənbəsinin sözlərinə görə, məcburi deportasiya məhkəmənin qərarına əsasən həyata keçirilib. O əlavə edib ki, 2023-cü ildə 44,2 minə yaxın vətəndaşlığı olmayan əcnəbi ölkədən çıxarılıb.

Bundan əvvəl xəbər verilmişdi ki, fevralın 5-dən Rusiya Daxili İşlər Nazirliyinin vəzifəli şəxsləri müəyyən qanun pozuntularına görə xarici vətəndaşların və vətəndaşlığı olmayan şəxslərin ölkədən inzibati qaydada çıxarılması ilə bağlı müstəqil qərar qəbul etmək səlahiyyəti alacaqlar. İşçilər həmçinin məcburi deportasiyaya məruz qalan əcnəbi vətəndaşları iki gün müddətində xüsusi müəssisələrdə yerləşdirə biləcəklər.

Aytac 
www.anews.az