İraq İran qazından imtina edə bilər
20.01.2025 16:28
İraq öz qaz resurslarını inkişaf etdirmək, səmt qazının yandırılması təcrübəsini tədricən dayandırmaq və qonşu İrandan baha qiymətə aldığı qazdan imtina etmək məqsədilə yeni strategiya hazırlayıb. Bunu ölkənin neft naziri Hayan Abdel Qani bəyan edib.
Onun fikrincə, İraq ölkədə istifadəsiz qaz resurslarının işlənməsi layihələri başa çatdıqdan sonra qonşu İrandan təbii qaz idxalını dayandıra bilər.
"İraq qazı İrandan idxal edir və bu cür tədarüklər dövlətə böyük maliyyə yükü yaradır. Bundan əlavə, bu idxal sabit deyil və İranda baş verən hadisələr səbəbindən davamlı ola bilmir. İran bəzən qaz ixracını azaldır və ya tamamilə dayandırır. Bu vəziyyət sonsuza qədər davam edə bilməz, çünki bu, İraqda elektrik enerjisinin istehsalına təsir göstərir", - Hayan Abdel Qani rəsmi İraq informasiya agentliyinə bildirib.
İraq 2025 ci ildə da gündəlik qaz hasilatını təxminən 190 milyon kubmetr artırmağı düşünür.
N.Təbrizli
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
