Zelenski Rusiya ilə müharibəyə getməməli idi - Tramp

Ukrayna prezidenti Vladimir Zelenski Rusiya ilə münaqişəyə yol verməməli idi. Amerika lideri bu sözləri Fox News telekanalına müsahibəsində deyib.

"Zelenski də buna imkan verməməli idi. O, daha böyük bir qurumla mübarizə aparır”, - Tramp bildirib.

Siyasətçi vurğulayıb ki, Ukrayna münaqişəsi "gülüncdür” və hər iki tərəf saziş bağlamaq və onu başa çatdırmaq üçün güzəştə getməlidir.

Bundan əvvəl Tramp Rusiya prezidenti Vladimir Putinlə dərhal görüşmək istədiyini bildirib.

ABŞ prezidenti qeyd edib ki, Kiyev artıq sülh sazişi bağlamağa hazırdır və Moskva dialoqdan imtina edərsə, yeni sanksiyalarla üzləşə bilər. Eyni zamanda Tramp sülh nizamlanmasında Pekinin dəstəyinə ümid edərək Rusiya və Çinə nüvə arsenallarını azaltmağı təklif edib.

Aytac 
www.anews.az