İmamoğluna qarşı yeni istintaq başladılıb
27.01.2025 18:47
İstanbul Prokurorluğu Türkiyənin müxalifətçi Cümhuriyyət Xalq Partiyasını (CHP) təmsil edən İstanbul meri Əkrəm İmamoğlu barəsində yeni istintaqa başlayıb. Bu barədə türk mediası xəbər yayıb.
İstintaqın başlanması İmamoğlunun mətbuat konfransı keçirməsindən cəmi yarım saat sonra elan edilib.
İstintaq Türkiyə Cinayət Məcəlləsinin "İstintaqa, ekspertə və ya vəzifəsini yerinə yetirən şahidə təsir göstərmək” maddəsi üzrə aparılır.
İstanbul Baş Prokurorluğu, İmamoğlunun bəyanatlarını CHP-yə və onun yerli idarəetmədəki nümayəndələrinə qarşı "satılmış ekspert" tərəfindən saxta hesabatlar hazırlanması ittihamı kimi dəyərləndirib.
Ötən həftə isə İmamoğlu barəsində stanbul Baş Prokuroru və onun ailəsi ilə bağlı səsləndirdiyi fikirlərə görə, ayrıca istintaq başladılıb.
İmamoğlu 2022-ci ilin dekabrında Türkiyə Mərkəzi Seçki Komissiyasının üzvlərini təhqir etməkdə ittiham olunaraq 2 il 7 ay müddətinə azadlıqdan məhrum edilib.
Bu qərar apellyasiya şikayəti əsasında yenidən məhkəmə baxışındadır.
İmamoğlu 2019-cu ildən İstanbul Böyükşəhər Bələdiyyəsinin rəhbəridir və ötən ilin martında keçirilən yerli seçkilərdə yenidən bu vəzifəyə seçilib.
N.Təbrizli
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
