Türkiyə 40 ədəd qırıcı təyyarə almağa hazırlaşır
30.01.2025 16:44
Türkiyə 40 ədəd dördüncü nəsil Eurofighter Typhoon ("Eurofighter Tayfun") qırıcılarını almaq üçün Avropa istehsalçılarından qiymət təklifi gözləyir. Bu barədə Türkiyə Milli Müdafiə Nazirliyi məlumat yayıb.
Nazirlik bildirib ki, müvafiq sənədlər artıq Böyük Britaniya Müdafiə Nazirliyinə və Eurofighter konsorsiumuna təqdim edilib. Ankara qiymət təklifini yaxın günlərdə əldə etməyi planlaşdırır.
Bundan əlavə, nazirlik Türkiyə Hərbi Hava Qüvvələrinin ehtiyacları üçün F-16 təyyarələrinin tədarükü və modernizasiyası məsələləri üzrə texniki müzakirələrin müsbət irəlilədiyini vurğulayıb.
Ankara yerli müdafiə sənayesi layihələrinə üstünlük verdiyini və beşinci nəsil KAAN döyüş təyyarəsi, Hürjet reaktiv təlim və yüngül döyüş təyyarəsi, Kızıelma pilotsuz döyüş təyyarəsi və ANKA-3 zərbə PUA-sı kimi proqramlara prioritet verdiyini xüsusi qeyd edib.
N.Təbrizli
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Foto
Video
