Qəzza dağıntılarından 350-dən çox cəsəd çıxarılıb

Qəzza zolağında xilasedicilər atəşkəs elan olunduqdan sonra dağıntılar altından 354 insan cəsədi çıxarıb. Bu barədə Qətərin Əl-Cəzirə televiziya kanalı məlumat yayıb.

Fələstin Səhiyyə Nazirliyinin məlumatına görə, ərazidə 14 mindən çox insan itkin düşüb.

 

Birləşmiş Millətlər Təşkilatının Humanitar Məsələlər üzrə Koordinasiya Ofisi (OCHA) Qəzzada 50 milyonluq dağıntının çıxarılmasının 20 ilə qədər vaxt apara biləcəyini açıqlayıb.

2025-ci ilin yanvarına qədər İsrail ən azı 47.000 fələstinlinin ölümü və 111.000 yaralanmasını təsdiqləyib.

Yanvarın 15-də Qətərin baş naziri və xarici işlər naziri Məhəmməd bin Əbdülrəhman Əl Tani bildirib ki, Misir, Qətər və ABŞ Qəzzada atəşkəsin həyata keçirilməsi və anklavdan girovların azad edilməsi üçün İsrail və HƏMAS arasında razılaşmaya vasitəçilik ediblər.

 

Atəşkəs yanvarın 19-dan qüvvəyə minib.