Türkiyədə uşaqlar üçün sosial şəbəkələr ilin sonuna kimi qadağan ediləcək
31.01.2025 14:02
Türkiyə hakimiyyəti 2025-ci ilin sonuna qədər 16 yaşdan kiçik uşaqların sosial şəbəkələrdən istifadəsini qadağan etməyi planlaşdırır. Bu barədə Türkiyənin Nəqliyyat və İnfrastruktur naziri Abdulkadir Uraloğlu CNN Türk telekanalının efirində bildirib.
"Biz istəyirik ki, 16 yaşdan kiçik gənclərimiz sosial şəbəkələrdən uzaq dursunlar. Bu onlara niyə lazımdır? "Onsuz da orada onlar üçün faydalı heç nə yoxdur" nazir bildirib
Onun sözlərinə görə, son vaxtlar Türkiyədə bunu təsdiqləyən hadisələr baş verib.
"İnşallah, 2025-ci ildə bir sıra tənzimləyici tədbirlərin görülməsi üçün səy göstərmək istəyirik”, - Uraloğlu vurğulayıb.
2024-cü ilin avqustdan ölkədə yeniyetmələr arasında populyar olan onlayn Roblox oyunu bloklanıb. Bundan əlavə, ötən il Türkiyə hakimiyyəti oyunçular arasında populyar olan Discord mesajlaşma xidmətini də qadağan edib.
Türkiyə rəsmiləri Discord-un narkotik və uşaqların cinsi istismarı ilə əlaqəli olduğunu bildirib.
Gülnar
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Foto
Video
