USAID-in internet saytı və X hesabı Trampın əmrindən sonra bağlanıb

ABŞ Beynəlxalq İnkişaf Agentliyinin (USAID) internet saytı Donald Tramp administrasiyasının yardım proqramlarını dondurması fonunda fəaliyyətini dayandırıb.Bu barədə CNN məlumat verib.

 

Sayt heç bir izahat verilmədən şənbə günü, fevralın 1-də ləğv edilib.

Konqresdəki demokratlar Trampın USAID-i müstəqil agentlik kimi dayandırıb Dövlət Departamentinə ötürə biləcəyindən narahatdırlar.

 

Onlar israr edirlər ki, respublikaçıların agentliyi dağıtmaq üçün qanuni səlahiyyəti yoxdur. Kanal qeyd edir ki, agentlik Konqres tərəfindən maliyyələşdirilir və onun işi milli təhlükəsizlik üçün həyati əhəmiyyət kəsb edir.

USAID-in X sosial media hesabı da artıq əlçatan deyil. Agentliyin səhifəsində "Bu hesab mövcud deyil" deyilir.