Britaniya XİN Rusiya diplomatının akkreditasiyasını ləğv edib

Böyük Britaniyanın Xarici İşlər Nazirliyi (XİN) ölkədəki Rusiya diplomatının akkreditasiyasını ləğv edib.Bu barədə TASS məlumat yayıb.

 

Bu qərar 2024-cü ilin noyabrında Rusiyanın Böyük Britaniya diplomatını ölkədən çıxarmasına cavab olaraq qəbul edilib.

"Biz Rusiya səfiri Andrey Kelini yüksək səviyyəli Britaniya rəsmisi ilə görüşmək üçün dəvət etdik ki, Rusiya diplomatının akkreditasiyasını ləğv edək", - XİN-dən bildirilib.

Onlar bu addımı Rusiya XİN-in keçən il Moskvadakı Britaniya diplomatının akkreditasiyasını ləğv etməsinə cavab kimi qiymətləndiriblər.

"Rusiya tərəfindən hər hansı əlavə addımlar eskalasiya kimi qəbul ediləcək və müvafiq cavab veriləcək", - nazirlikdən əlavə ediblər.