Gürcüstan prezidenti ilk rəsmi səfirini Türkiyəyə etdi

Gürcüstan prezidenti Georgi Marqvelaşvili Türkiyəyə səfərə yollanıb.

APA-nın Gürcüstan prezidentinin mətbuat xidmətinə istinadən verdiyi görə, səfər çərçivəsində G. Marqvelaşvilinin Türkiyə prezidenti Abdullah Gül, baş nazir Rəcəb Tayyib Ərdoğan və Türkiyə Böyük Millət Məclisinin sədri Cəmil Çiçəklə görüşləri nəzərdə tutulur.

Görüşdən sonra Türkiyə və Gürcüstan prezidentləri birgə mətbuat konfransı keçirəcəklər.  

Bundan başqa, Gürcüstan prezidenti Anıtqəbri ziyarət edəcək, Türkiyə Cümhuriyyətinin qurucusu Mustafa Kamal Atatürkün məzarına gül qoyacaq.

Qeyd edək ki, bu, G. Marqvelaşvilinin prezident postunda ilk xarici rəsmi səfəridir.

APA