Ukraynada rus mahnılarını dinləmək qadağan edilə bilər

Ukrayna Nazirlər Kabinetinə, hətta ukraynalı sənətçilər tərəfindən ifa olunsa belə, “Apple Music” və “Spotify” kimi striminq platformalarında rus dilində mahnıların yerləşdirilməsini qadağan edən qanunun tətbiqi təklif olunub. Petisiya Ukrayna hökumətinin saytında yerləşdirilib.

Müraciətə 409 nəfər imza atıb, ona baxılması üçün 25 min imzanın toplanması lazımdır.

Həmçinin Ukrayna musiqisini və mədəniyyətini təbliğ edən məlumat kampaniyalarının aparılması təklif olunur. Müraciətdəki tələblər Ukrayna kimliyini qorumaq istəyi və Ukraynaya müsbət münasibətlə əsaslandırılır. 
Bundan başqa, bildirilir ki, rus ifaçıların musiqilərinə qulaq asmaq üçün aldıqları pullar Rusiya büdcəsinə gedir. Müraciətdə iddia olunur ki, rus dilində mahnılar, hətta ukraynalı və ya avropalı sənətçilər tərəfindən ifa olunsa belə, “rus təbliğatının elementləri və ya Ukraynanın müstəqilliyinin dəyərlərinə zidd olan kontekst daşıya bilər”.

Petisiyanın müəllifləri rusdilli musiqiyə qadağa qoyulmasını ukraynadilli ifaçıları, başqa xalqların musiqilərini populyarlaşdırmaq, hətta gənclərə olan mənfi təsirdən xilas etmək üçün bir yol kimi görürlər.

Aytac