Avropa ölkələrinin liderləri Ukraynaya səfərə hazırlaşır

Bir sıra ölkələrin liderləri və Avropa siyasətçiləri təhlükəsizlik zəmanətlərini müzakirə etmək və Vladimir Zelenskiyə dəstək ifadə etmək üçün fevralın 24-də Kiyevə səfər edəcəklər. Bu barədə Avropanın “Politico” nəşri məlumat yayıb.

İspaniyanın baş naziri Pedro Sançes, eləcə də Avropa Şurasının sədri Antonio Kosta və Avropa Komissiyasının sədri Ursula fon der Leyen səfəri planlaşdırdıqlarını artıq açıqlayıblar.

Latviya, Litva, Malta və Kanada liderləri ya şəxsən, ya da onlayn olaraq qoşulacaqlar.

Avropa Parlamentinin sədri Roberta Metsola da iştirak etməyi planlaşdırır.

Nəşr bildirir ki, Xorvatiya, Danimarka, Norveç, Finlandiya, Polşa, Estoniya, İsveç, Belçika, İrlandiya, Hollandiya və Almaniya öz siyasətçilərinin görüşdə mümkün iştirakı ilə bağlı sorğuya cavab verməyiblər. Çexiya liderinin iştirak etməyəcəyini açıqlayıb.

Rusiyanın Ukraynaya hücumu 2022-ci ilin fevralın 24-də başlayıb. 

Gülnar