Lavrov Türkiyəyə səfər edəcək

Rusiyanın xarici işlər naziri Sergey Lavrov fevralın 24-də Türkiyəyə səfər edəcək.Bu barədə Türkiyə Xarici İşlər Nazirliyi məlumat yayıb.

Lavrov Ankarada türkiyəli həmkarı Hakan Fidan ilə görüşəcək. Görüşlərdə ticarət, enerji və turizm sahələrində ikitərəfli əməkdaşlıq məsələləri geniş müzakirə olunacaq.

Eyni zamanda, Rusiya-Ukrayna müharibəsinin diplomatik səylər vasitəsilə ədalətli və daimi sülhlə başa çatdırılması məsələsi gündəmdə olacaq. ABŞ-la Rusiya arasında son təmaslar və Türkiyənin bu prosesə töhfə vermək imkanları da nəzərdən keçiriləcək.

Bundan başqa, regional və beynəlxalq məsələlər, xüsusilə Suriya və Qəzza ətrafında baş verən hadisələr barədə fikir mübadiləsi aparılacağı gözlənilir.