Rusiya Trampın şərəfinə eksklüziv iPhone 16 Pro yaradıb

Rusiyanın “Caviar” şirkəti ABŞ prezidenti Donald Trampdan və onun Bitcoin-ə təsirindən ilhamlanaraq “Trump x Bitcoin” adlı məhdud sayda  iPhone 16 Pro modelini təqdim edib. Bu barədə gazeta.ru məlumat yayıb.

Yeni məhsul Visionaries kolleksiyasının bir hissəsidir və Donald Trampın və onun Bitcoin-in inkişafına verdiyi töhfənin şərəfinə yaradıldığı açıqlanıb.

Premium smartfon məhdud tirajla cəmi 47 nüsxə ilə buraxılıb, qiymətləri 629 min rubldan başlayır.

 Cihazın əsas dizayn xüsusiyyəti 24 karatlıq qızılla örtülmüş, üçölçülü Bitcoin simvoludur və Trampdan həkk olunmuş sitatla müşayiət olunur: “Bitcoin azadlıq, suverenlik və müstəqilliyi təmsil edir”.

Aytac