ABŞ dövlət katibi Rubio ilə Avropa diplomatiyasının rəhbəri Kallas arasında görüş ləğv edilib

Dövlət katibi Marko Rubio ilə Aİ-nin xarici işlər və təhlükəsizlik siyasəti üzrə ali nümayəndəsi Kaja Kallas arasında Vaşinqtonda baş tutmalı olan  görüş ləğv edilib. TASS bu barədə Aİ-nin yüksək səviyyəli nümayəndəsinə istinadən xəbər verir.

Bildirilib ki, Rubio və Kallas arasında görüş planlaşdırma məsələlərinə görə bu dəfə baş tutmayacaq.

Daha əvvəl Avropa diplomatiyasının rəhbəri Kallas ABŞ administrasiyasının Ukrayna ilə bağlı  bəyanatlarında “Rusiya rəvayətlərini güclü şəkildə əks etdirdiyini” bildirmişdi . Kallas həmçinin bildirib ki, ABŞ və Rusiya arasında sülh sazişləri Avropa Birliyi və Ukrayna tərəfindən dəstəklənməyincə işləməyəcək.

Fevralın 18-də  Ər-Riyadda ABŞ və Rusiya nümayəndələri arasında Ukrayna üzrə danışıqlar baş tutub . 4,5 saat davam edən görüşdə Ukrayna münaqişəsinin həlli üçün təmasların təşkili ilə bağlı müzakirələr aparılıb. ABŞ dövlət katibi Marko Rubio və Rusiyanın xarici işlər naziri Sergey Lavrov Ukrayna üzrə danışıqlar qruplarının yaradılması barədə razılığa gəliblər.

Ukrayna prezidenti Vladimir Zelenski daha sonra deyib ki, ölkəsinin təhlükəsizlik zəmanəti altında 800 minlik ordusu olmalıdır.

Gülnar