Tramp Rusiyaya qarşı sanksiyaları uzadıb

ABŞ prezidenti Donald Tramp “ Ukraynanın ərazi bütövlüyünə təhdid ” lə əlaqədar Rusiyaya qarşı sanksiyaların tətbiqi ilə bağlı sərəncamın müddətini bir il uzadıb . RİA Novosti bu barədə Ağ Evin yaydığı müvafiq sənədə istinadən xəbər verir.

Söhbət 6 mart 2014-cü ildə ABŞ-ın o zamankı prezidenti Barak Obama tərəfindən imzalanmış 13660 saylı İcra Sərəncamından gedir . Sənəddə Amerika tərəfinin Ukraynanın suverenliyi və ərazi bütövlüyünün pozulmasına görə məsuliyyət daşıdığına inandığı şəxslərə və təşkilatlara qarşı məhdudiyyətlər tətbiq edilir. Fərmanda həmçinin bəzi şəxslər və məmurlar üçün səyahət məhdudiyyətləri, Krımın Rusiyaya ilhaqına görə məsuliyyət nəzərdə tutulur.

Fevralda Rusiya Prezidenti Vladimir Putin Gələcək Texnologiyalar Forumunun plenar iclasında çıxış edərək xarici sanksiyaların təzyiqinin Rusiya elminin və biznesinin inkişafı üçün katalizatora çevrildiyini bildirib.

Bu ay ABŞ dövlət katibi Marko Rubio ölkəsinin Ukraynada davam edən münaqişəyə son qoyulması üçün razılıq əldə olunana qədər Rusiyaya qarşı sanksiyaları davam etdirəcəyini bildirib . Eyni zamanda, o qeyd edib ki, münaqişə bitdikdən sonra sanksiyalar aradan qaldırılmalı olacaq.

Aytac