Kiyev Ukrayna ilə ABŞ arasında barışıq şanslarını dəyərləndirib

Ukrayna lideri Vladimir Zelenskinin ABŞ prezidenti ilə Ağ Evdə mübahisə etdikdən sonra onunla barışıq cəhdinin uğurlu olacağına Britaniya və  Ukraynada heç bir inam yoxdur. Bu barədə Britaniyanın The Telegraph nəşri yazır. 

Məqalədə qeyd edildiyi kimi, çərşənbə axşamı Böyük Britaniyanın baş naziri Keir Starmer Zelenski ilə telefon danışığı aparıb və ona Amerika və Ukrayna liderləri arasında mübahisədən sonra Ağ Evin nə eşitmək istədiyi barədə tövsiyələr verib.

Qəzet yazır ki, Ukrayna lideri Starmerlə söhbətdən sonra "yumşaldıb", lakin Zelenskinin ABŞ prezidentinə məktubu ABŞ-ın Zelenski ilə danışıqlar masasına qayıtması üçün kifayət deyil.

Adı açıqlanmayan ukraynalı diplomatın sözlərinə görə, ABŞ-ın Zelenski ilə razılaşmaya qayıtması ehtimalı 50 faizdir.

Fevralın 24-də Rusiya prezidenti Vladimir Putin deyib ki, Zelenski Rusiya ilə danışıqlardan yayınır, çünki onların başlaması qaçılmaz olaraq Ukraynada hərbi vəziyyətin ləğvi zərurətinə gətirib çıxaracaq. O qeyd edib ki, bunun ardınca Ukraynada prezident seçkilərinin keçirilməsi zərurəti yaranacaq. Eyni zamanda, Rusiya liderinin vurğuladığı kimi, Zelenskinin seçkilərdə qalib gəlmək şansı sıfıra bərabərdir.

Aytac