Uruqvay BRİKS-in Yeni İnkişaf Bankına qoşula bilər

Uruqvay Milli Parlamenti ölkənin BRİKS Yeni İnkişaf Bankına (NDB) qoşulması ilə bağlı sazişi nəzərdən keçirir. “İzvestiya” bu barədə Rusiyanın Montevideodakı səfirliyinə istinadən xəbər verir.

"Uruqvayın BRİKS strukturları ilə əlaqəsinə gəlincə, milli parlament ölkənin Yeni İnkişaf Bankına qoşulması ilə bağlı sazişi nəzərdən keçirir", - səfirlikdən nəşrə bildiriblər.

BRİKS qrupu 2006-cı ildə Braziliya, Rusiya, Hindistan və Çin tərəfindən yaradılıb, Cənubi Afrika isə 2011-ci ildə ona qoşulub. 1 yanvar 2024-cü ildə Misir, Efiopiya, İran, Səudiyyə Ərəbistanı, Birləşmiş Ərəb Əmirlikləri onun tam hüquqlu üzvü olub. Rusiyanın assosiasiyaya sədrliyinin əsas hadisəsinə çevrilən 16-cı BRİKS sammiti oktyabrın 22-24-də Kazanda baş tutub. Sammitdə BRİKS-ə üzv ölkələrin liderləri ilə yanaşı, BMT-nin baş katibi Antonio Quterreş və Türkiyə və Fələstin kimi BRİKS-ə üzv olmayan bir sıra dövlətlərin başçıları da iştirak ediblər.

Aytac