Zelenski: ABŞ və Ukrayna nümayəndə heyətləri gələn həftə görüşəcək

Ukrayna prezidenti Vladimir Zelenski Aİ sammiti zamanı Ukrayna və Amerika nümayəndə heyətləri arasında görüş gələn həftə baş tutacağını bildirib . Bu barədə Ukraynanın “Strana.ua” nəşri yazır.

Gələcək danışıqlar “mənalı” olmalıdır”, o deyib.

Bundan bir qədər əvvəl Ukrayna prezidentinin müşaviri Dmitri Litvin bildirmişdi ki, Ukrayna prezidentinin ofisinin rəhbəri Andrey Yermak və ABŞ-ın milli təhlükəsizlik müşaviri Maykl Vals arasında telefon danışığı olub, onlar Rusiya ilə danışıqların yeri və tarixini müzakirə ediblər.

Ağ Evdə jurnalistlərə açıqlama verən Vals qeyd edib ki, ABŞ hazırda Ukrayna ilə münasibətlərinin bütün aspektlərini nəzərdən keçirir və “geri addım atıb”.

Öz növbəsində CNN martın 5-də ABŞ prezidenti Donald Trampın nümayəndələrinin Zelenski ilə gizli danışıqlar apardığını bildirib . Telekanalın məlumatına görə, görüş zamanı  Kiyev və Vaşinqton arasında münasibətlərin tezliklə sabitləşməsinin vacibliyi vurğulanıb.

Gülnar