Türkiyə Avropanın yenidən silahlanmasında iştirak etmək niyyətindədir

Türkiyə prezidenti Rəcəb Tayyib Ərdoğan Türkiyənin Avropa İttifaqının silahlı qüvvələrinin modernləşdirilməsi proqramına cəlb edilməsi təşəbbüsü ilə çıxış edib. Bu barədə TASS məlumat yayıb.

Avropa Şurasının sədri Antonio Kosta ilə Aİ tərəfdaş dövlətlərinin başçıları arasında keçirilən videokonfrans zamanı Türkiyə lideri Ankaranın Aİ-nin müdafiə potensialının artırılması proqramlarında, o cümlədən hərbi-sənaye kompleksi müəssisələrinin maliyyələşdirilməsinin əhəmiyyətli dərəcədə artırılmasında iştirakda maraqlı olduğunu vurğulayıb.

O, qabaqcıl texnologiyalara malik Türkiyə hərbi-sənaye kompleksinin Avropanın müdafiəsinin gücləndirilməsinə töhfə verməyə hazır olduğunu bəyan edib və Ukraynanın bərpası üçün Aİ proqramlarına qoşulmaq arzusunu ifadə edib. Ərdoğan həmçinin Avropanın gələcək müdafiə təşəbbüslərini bütün müttəfiqlərə açıq olmağa çağırıb.

“Müdafiə sənayemiz qabaqcıl texnologiyaları ilə Avropanın müdafiə sektorunun güclənməsinə töhfə verməyə hazırdır”, - Türkiyə lideri bildirib.

Daha əvvəl Ərdoğan bəyan etmişdi ki, Türkiyə hakimiyyəti Ukraynada sürətli atəşkəs, eləcə də qurudan, havadan və dənizdən hücumların dayandırılması ideyasını dəstəkləyir.

Aytac