Fransa parlamenti Rusiyanın dondurulmuş aktivlərinin müsadirəsi ilə bağlı qətnaməni nəzərdən keçirəcək

Fransa parlamenti martın 12-də Rusiya aktivlərinin müsadirəsi ilə bağlı qətnaməyə baxacaq.

Fransa Milli Assambleyası Ukraynaya yardımın artırılması , o cümlədən Rusiyanın dondurulmuş aktivlərinin müsadirəsi ilə bağlı qətnamə layihəsinə baxacaq. Qətnamələrin mətni  parlamentin aşağı palatasının saytında yerləşdirilib.

Qətnamədə deputatlar Avropa İttifaqını “Ukrayna müqavimətini və Ukraynanın yenidən qurulmasını dəstəkləmək üçün dondurulmuş Rusiya aktivlərindən istifadə etməyə davam etməyə” çağırırlar. Qətnamə həmçinin Ukraynaya yardımın “daha ​​da gücləndirilməsini” nəzərdə tutur.

Politico daha əvvəl bildirmişdi ki, Avropa İttifaqı səlahiyyətliləri Rusiyanın əlavə aktivlərini müsadirə etməyi düşünür. Daha da çox Rusiya aktivlərinin müsadirə edilməsi ideyasını ilk dəstəkləyənin Latviya Bankının rəhbəri Martins Kazaks olduğu, lakin Avropa İttifaqının rəhbər orqanlarının digər rəsmilərinin ona qarşı çıxış etdiyi vurğulanır.

Gülnar