Rusiyada astrologiya və ezoterik xidmətlər qadağan edilə bilər

Rusiyada ezoterik xidmətləri, o cümlədən astrologiyanı qadağan edən qanun layihəsi Dövlət Dumasına təqdim edilir. Bu barədə Dövlət Dumasının Ailə, Ata, Analıq və Uşaqlığın Müdafiəsi Komitəsinin sədri Nina Ostanina Telegram kanalında məlumat  verib.

“Həmkarlarımızla birlikdə biz Dövlət Dumasına ezoterik, mənəvi və enerji xidmətlərinin reklamını qadağan etmək, habelə bu cür təklifləri yayan resursları bloklamaq məqsədi daşıyan qanun layihəsi təqdim edirik”, - bəyanatda deyilir.

Deputat vurğulayıb ki, bu cür əməllərin heç bir elmi əsası yoxdur, insanları çaşdırır və tez-tez saxtakarlıq sxemlərində istifadə olunur. Onun sözlərinə görə, təşəbbüsün məqsədi vətəndaşları, xüsusilə həssas qrupları psixoloji və maddi zərərdən qorumaqdır.

Aytac