Ermənistan BRİKS-də müşahidəçi olmaqda maraqlıdır

İrəvan BRİKS -də müşahidəçi statusu almaqda maraqlıdır. Bunu Ermənistanın xarici işlər naziri Ararat Mirzoyan Hindistanın WION portalına müsahibəsində bildirib.

"Bəli, biz BRİKS-in, eləcə də Şanxay Əməkdaşlıq Təşkilatının işində iştirak etmişik " o deyib.

Onun sözlərinə görə, Ermənistan tərəfi hələ də bu təşkilatda müşahidəçi statusu almaqda və “belə əməkdaşlıq və bu formatın regionumuza nə gətirə biləcəyini görməkdə” maraqlıdır.

Rusiyanın Ermənistandakı səfiri Sergey Kopırkin bundan əvvəl bəyan etmişdi ki, BRİKS absurd qərarlar qəbul etmək və ya təzyiq göstərmək adəti olmayan suveren dövlətlər qrupudur. Diplomat əlavə edib ki, bu struktur üzv olmaq üçün hüquqi öhdəliklərin qəbul edilməsini və ya milli qanunvericiliyin dəyişdirilməsini tələb edən ənənəvi beynəlxalq təşkilat deyil. Kopırkin həmçinin qeyd edib ki, gələcəkdə Azərbaycan və Ermənistanın BRİKS-ə mümkün daxil olması iki ölkə arasında münasibətlərin normallaşması prosesinə müsbət təsir göstərə bilər.

BRİKS qrupu 2006-cı ildə Braziliya, Rusiya, Hindistan və Çin tərəfindən yaradılıb, Cənubi Afrika isə 2011-ci ildə ona qoşulub. 1 yanvar 2024-cü ildə Misir, Efiopiya, İran, Səudiyyə Ərəbistanı, Birləşmiş Ərəb Əmirlikləri onun tam hüquqlu üzvü olub. Rusiyanın assosiasiyaya sədrliyinin əsas hadisəsinə çevrilən 16-cı BRİKS sammiti oktyabrın 22-24-də Kazanda baş tutub. Sammitdə BRİKS-ə üzv ölkələrin liderləri ilə yanaşı, BMT-nin baş katibi Antonio Quterreş və Türkiyə və Fələstin kimi BRİKS-ə üzv olmayan bir sıra dövlətlərin başçıları da iştirak ediblər.

Gülnar