Tbilisi məhkəməsi Saakaşvilini doqquz il həbs cəzasına məhkum edib

Tbilisi məhkəməsi keçmiş prezident Mixail Saakaşvilini doqquz il həbs cəzasına məhkum edib. Bu barədə "Mtavari Arxi" telekanalı məlumat yayıb.

Bildirilib ki, o 3,2 milyon dollardan çox vəsaitin israf edilməsinə  məhkum edilib.

Saakaşvilinin keçmiş mühafizə rəisi Teimuraz Canaşiya da məhkəmə tərəfindən günahkar bilinib. O, 300 min lari (100 min dollardan çox) məbləğində cərimələnib.

Saakaşvili və Canaşiya bundan əvvəl ittihamları dəfələrlə rədd edərək, prosesin siyasi xarakter daşıdığını bildiriblər.

Hazırda Saakaşvili artıq altı illik həbs cəzasını çəkir. Ona qarşı əvvəl də iki iş üzrə məhkəmə hökmü çıxarılıb.

Aytac