Putin bu gün Ukrayna məsələsindən danışa bilər

Rusiya prezidenti Vladimir Putin Moskvada keçirdiyi mətbuat konfransında  Ukrayna ilə münaqişənin həlli mövzusunda çıxış edə bilər. Bu barədə onun mətbuat katibi Dmitri Peskov TASS-ın sualına cavabında bildirib.

Cümə axşamı, martın 13-də siyasətçilərin danışıqlarından sonra Kremldə Putin və Belarus prezidenti Aleksandr Lukaşenko arasında birgə mətbuat konfransı keçiriləcək. Onlar iki ölkə arasında əlaqələrin inkişafının əsas məsələlərini, eləcə də beynəlxalq gündəlikdəki aktual mövzuları müzakirə etməyi planlaşdırırlar. Onların bir sıra birgə sənədlərin imzalanması da gözlənilir.

"Hər şey jurnalistlərin suallarından asılı olacaq", - Peskov bildirib.

Martın 11-də Səudiyyə Ərəbistanında ABŞ və Ukrayna nümayəndə heyətləri arasında danışıqlar baş tutub. Görüşdən sonra Kiyev Moskvanın analoji addım atmağa hazır olacağı təqdirdə 30 günlük atəşkəsə razılaşıb. Vaşinqton da öz növbəsində Ukraynaya yardımın dərhal bərpa olunduğunu elan edib. Tərəflər mineral ehtiyatlar üzrə də razılığa gəliblər. ABŞ prezidentinin yaxın vaxtlarda Rusiya lideri Vladimir Putinə zəng edəcəyi gözlənilir.

Aytac