Sabiq prezident həbs olunaraq Haaqaya aparılıb

Beynəlxalq Cinayət Məhkəməsi Filippinin keçmiş prezidenti Rodriqo Duterteni narkotiklərlə mübarizə apardığı amansız əməliyyatlarla bağlı insanlığa qarşı cinayətlərdə ittiham edərək həbs edib.

Duterte üç il ərzində Haaqa məhkəməsinə göndərilən ilk yüksək səviyyəli siyasətçidir. O, yaxın günlərdə ilk dəfə məhkəmə qarşısına çıxacaq.

O, çərşənbə axşamı, martın 11-də Manila Beynəlxalq Hava Limanına endikdən sonra həbs edilib və oradan Hollandiyanın Haaqa şəhərinə aparılıb.

Dutertenin yaxın günlərdə ilk dəfə məhkəmə qarşısına çıxacağı, orada kimliyini müəyyənləşdirəcəyi, məhkəmənin dilini seçəcəyi və ona qarşı irəli sürülən ittihamlarla tanış olacağı gözlənilir.

Daha sonra təsdiqedici dinləmə keçiriləcək və bu dinləmə zamanı hakimlər ittiham tərəfinin məhkəmə araşdırmasını davam etdirmək üçün kifayət qədər sübut təqdim edib-etməməsinə qərar verəcək.

BBC yazır ki, ittihamlar təsdiq olunarsa, məhkəmə aylarla davam edə bilər və yekun hökmün çıxarılması üçün illər lazım ola bilər.

Aytac