İspaniya sülh müqaviləsi ilə razılığı dəstəkləyir

İspaniya Ermənistan və Azərbaycan arasında sülh müqaviləsi layihəsinin mətni üzrə razılığa gəlməsi xəbərini alqışlayıb. Bu barədə İspaniya Xarici İşlər Nazirliyi məlumat yayıb.

“İspaniya Ermənistan Respublikası ilə Azərbaycan Respublikası arasında razılaşma xəbərini alqışlayır və ümid edir ki, bu elan iki ölkə arasında yekun sazişin imzalanmasına səbəb olacaq. İspaniya Cənubi Qafqazda sülh və sabitliyə sadiqliyini bir daha təsdiqləyir”, -  bəyanatda bildirilir.

Ermənistan və Azərbaycan martın 13-də sülh müqaviləsi layihəsinin mətni üzrə yekun razılıq əldə etdiklərini bəyan ediblər. Ermənistan Xarici İşlər Nazirliyi sazişin imzalanma vaxtı və yeri ilə bağlı Bakı ilə müzakirələrə başlamağa hazır olduğunu açıqlayıb.

Aytac